< ՄՐՑԱԿՑԱՅԻՆ ԴՐԱՄԱՇՆՈՐՀԱՅԻՆ ԾՐԱԳԻՐՆ ԱՐՄԱՎԻՐՈՒՄ
12.06.2012 Կատեգորիա Նորություններ Արմավիրի ԳԱՄԿ-ից, Արմավիր. Մարզային նորություններ

ՏԵՂԱՏԱՐԱՓ ԱՆՁՐԵՎ ԵՎ ԿԱՐԿՈՒՏ

Հունիսի 9-ին ժամը 17.30-ից սկսած հորդառատ անձրը Արմավիրի մարզի Մեծամոր քաղաքային համայնքի Այգեգործական թաղամասում, Մայիսյան, Ակնալիճ, Արշալույս, Ծաղկունք, Քարակերտ, Դալարիկ, Լեռնագոգ և Նորավան գյուղական համայնքներում վերածվել է երկարատև տեղատարափի ու կարկուտի:


 Հատկապես արտակարգ իրավիճակ է ստեղծվել Մեծամոր քաղաքային համայնքի մերձակա տարածքներում. Արագածոտնի մարզում տեղացած ուժգին կարկուտի արդյունքում հեղեղատարները լցվել են Արմավիրի մարզի Այղը լճից Մայիսյան համայնք ընկած հատվածում և դուրս հորդացել` ստեղծելով հեղեղի վտանգ: ՀՀ արտակարգ իրավիճակների նախարարության Արմավիրի մարզային փրկարարական վարչության և Արմավիրի մարզպետարանի աշխատակիցների ջանքերով ամրացվել են նշված հատվածի հեղեղատարների պատերը և կանխվել հեղեղի վտանգը: Հունիսի 9-ին և 10-ին դեպքի վայրում են եղել, ապա կարկտահարության հետևանքով ջրի բարձրացումից տուժած համայնքներ են այցելել մարզպետ Ա. Ղահրամանյանը, ՀՀ տարածքային կառավարման նախարարի տեղակալ Արտաշես Բախշյանը, ոստիկանության Արմավիրի մարզային վարչության պետ, գեներալ-մայոր Արամ Զաքարյանը, ՀՀ արտակարգ իրավիճակների նախարարության Արմավիրի մարզային փրկարարական վարչության պետ Արմեն Ամիրջանյանն ու մարզային պատասխանատու կառույցների ղեկավարներ: Մարզպետի հանձնարարությամբ վերը նշված համայնքներում նույն օրը ստեղծվել են հանձնաժողովներ` աղետի հասցրած վնասները ճշտելու և մարզպետարան ներկայացնելու նպատակով: Նախնական տվյալներով լուրջ վնաս է կրել նշված համայնքների շուրջ 600 հա տարածք.  վնասվել են ցանքատարածությունները, պտղատու ծառերը, բնակելի տները, խաթարվել է էլեկտրականությունը: Օրերս արդեն մարզպետ Աշոտ Ղահրամանյանի համապատասխան կարգադրությամբ փոխմարզպետ Դավիթ Սամսոնյանի գլխավորությամբ հանձնաժողով է ստեղծվել նաև մարզպետարանում`  կարկտահարությունից տուժած համայնքներ այցելելու, բնակչությանն ու գյուղատնտեսությանը հասցրած վնասների չափերն արձանագրելու և համայնքներում  ստեղծված հանձնաժողովների աշխատանքները համակարգելու նպատակով:


To top