< ԽԱՂՈՂԻ ՎԱԶԻ ԷՏԸ ԵՎ ՁԵՎԱՎՈՐՈՒՄԸ
28.03.2017 Կատեգորիա ՀԱՅՖԵՐՄԵՐ Ամսաթերթ (Արմավիրի ԳԱՄԿ)

Գյուղտեխնիկայի լիզինգի ծրագրից օգտվելու համար շահառուները կարող են դիմել ԳԱՄԿ-եր և ՓՄՁ ԶԱԿ մարզային մասնաճյուղեր

«ՓՄՁ ներդրումներ» ՈՒՎԿ-ում կկազմակերպվել էր դասընթաց Գյուղատնտեսության աջակցության մարզային կենտրոնների և ՓՄՁ ԶԱԿ մարզային մասնաճյուղերի աշխատակիցների համար` Հայաստանի Հանրապետությունում գյուղատնտեսական տեխնիկայի ֆինանսական վարձակալության` լիզինգի պետական աջակցության ծրագրին դիմելու պայմանները ներկայացնելու նպատակով: Միջոցառմանը ներկա էին ՀՀ գյուղատնտեսության նախարարի տեղակալ Ռոբերտ Մակարյանը և «ՓՄՁ ներդրումներ» ՈՒՎԿ ՓԲԸ -ի գործադիր տնօրեն Արթուր Բադալյանը: «Որպեսզի ծրագրի շահառուներին զերծ պահենք ավելորդ քաշքշուկներից և ծախսերից, նախատեսվել է հայտերի հավաքագրումներն իրականացնել Փոքր և միջին ձեռնարկատիրության զարգացման ազգային կենտրոնների մասնաճյուղերի և գյուղատնտեսության աջակցության մարզային կենտրոնների միջոցով, որոնք ներկայացված են բոլոր մարզերում: Այսօրվա միջոցառումը նպատակ ունի Ձեզ ներկայացնել ծրագրի մանրամասները և ընթացակարգային հարցերը, որպեսզի Դուք տեղերում իրազեկեք գյուղացիներին, պատշաճ խորհրդատվություն տրամադրեք, գործընթացը սահուն կազմակերպվի, և ծրագիրն առավելագույնս հաջող ընթանա»,_ նշել է Ռոբերտ Մակարյանը: ՀՀ գյուղատնտեսության փոխնախարարը հավելել է, որ ծրագրի վերաբերյալ շահառուները կարող են տեղեկություններ ստանալ նաև նախարարության կայքէջից, ԳԱՄԿ-երի կողմից հրատարակվող թերթերից և համայնքապետարաններից: Ռոբերտ Մակարյանի խոսքով` արդեն իսկ առկա է դիմումների մեծ հոսք և հետաքրքրություն: Գյուղտեխնիկան տրամադրվում է 9 % տոկոսադրույքով, որից 7 տոկոսային կետը սուբսիդավորվում է պետության կողմից, արդյունքում` շահառուները հնարավորություն ունեն տեխնիկան ձեռք բերել 2 % լիզինգային տոկոսադրույքով` առանց լրացուցիչ որևէ վճարի: «Մենք ծրագրիրը մեկնարկել ենք մեր գործընկեր «ՓՄՁ ներդրումներ» ՈՒՎԿ-ի հետ, որն աշխատում է «Սպեցմաշ» ընկերության հետ, սակայն շուկան բաց է բոլոր ֆինանսական կազմակերպությունների և մատակարարների համար, որոնք ցանկություն կհայտնեն միանալու ծրագրին և աշխատելու նախատեսված պայմաններով»,- հավելել է Ռոբերտ Մակարյանը: «ՓՄՁ ներդրումներ» ՈՒՎԿ ՓԲԸ -ի գործադիր տնօրեն Արթուր Բադալյանն իր հերթին նշել է, որ գործընթացն օպերատիվ կազմակերպելու համար ներգրավվել են ԳԱՄԿ-երն ու ՓՄՁ ԶԱԿ մարզային մասնաճյուղերը` ընդգծելով, որ սա ընդհանուր աշխատանք է և ակնկալում է սերտ համագործակցություն: Արթուր Բադալյանը կոչ է արել միջոցառման մասնակիցներին ակտիվորեն տեղերում իրազեկման աշխատանքներ իրականացնել, որպեսզի պոտենցիալ շահառուները տեղյակ լինեն ծրագրի մասին, ինչպես նաև տեղեկատվությունն առավելագույնս ճշգրիտ ներկայացնել, որպեսզի վարկունակ հայտատուներ ներգրավվեն ծրագրում և հետագայում վերադարձելիության խնդիրներ չառաջանան: ՀՀ գյուղատնտեսության նախարարության տեղեկատվության և հասարակայնության հետ կապերի բաժին



To top